Konsullik bo’limi

interaktiv xizmatlar veb-portali (www.consulate.mfa.uz) orqali to‘ldirilgan elektron ro‘yxatga olish varaqasi, agar interaktiv xizmatlar veb-portali orqali electron ro’yxatga olish varaqasini to’ldirishninng imkoniyati bo’lmaganda konsullik bo’limi tomonidan berilgan ariza va ro’yxatga olish varaqasi to’ldiriladi;

pasport (biometrik, nobiometrik namunadagi), xorijga chiqish biometrik pasporti yoki harakatlanish hujjati;

16 yoshga to‘lmagan bolalarning tug‘ilganlik to‘g‘risidagi guvohnomasining (biometrik pasport, nobiometrik pasport, xorijga chiqish biometrik pasporti va harakatlanish hujjati bo‘lmaganda) asli;

ota-onasidan birining nobiometrik pasportidagi bola haqidagi ma’lumotlar kiritilgan sahifasi nusxasi (bola haqidagi ma’lumotlar ota-onasidan birining nobiometrik pasportiga kiritilgan holda xorijga chiqqan bo‘lsa);

ichki ishlar organlarining migratsiya va fuqarolikni rasmiylashtirish bo‘linmalari tomonidan berilgan fuqaroning biometrik pasporti, nobiometrik pasporti yoki harakatlanish hujjatiga yopishtirilgan “Doimiy yashashga ketishga ruxsat berildi” yozuvli stikerning nusxasi;

O‘zbekiston Respublikasi fuqarosi va fuqaroligi bo‘lmagan shaxsning Eron qonunchiligi talablariga muvofiq (viza, yashab turish hujjati, vaqtincha yashashga ruxsatnoma, ma’lumotnomalar) bo‘lib turishining qonuniyligini tasdiqlovchi hujjat;

3 x 4 sm o‘lchamdagi 1 dona fotosurat (elektron ro‘yxatga olish varaqasini to‘ldirishning imkoni bo‘lmaganda);

konsullik yig‘imi va haqiqiy xarajatlarning o‘rnini qoplash hisobiga yig‘imlar (40 AQSH dollar) to‘langani to‘g‘risida kvitansiya.

Vaqtincha konsullik ro‘yxati

Eronga xizmat safariga, o‘qishga, davolanishga, ishga va o‘z oilasi bilan birlashish uchun kelgan O‘zbekiston Respublikasi fuqarolari va fuqaroligi bo‘lmagan shaxslar Eronda qonuniy tarzda yashayotgan bo‘lsa va mamlakatga olti oydan ortiq muddatga kelgan bo‘lsa Elchoxona konsullik bo’limida vaqtincha konsullik ro‘yxatiga olinadilar.

Eronga sayyoh sifatida, shaxsiy ishlari yoki mazkur boshqa maqsadlarda olti oydan ortiq bo‘lmagan muddatga kelgan, shuningdek mamlakat orqali tranzit o‘tib ketayotgan O‘zbekiston Respublikasi fuqarolari va fuqaroligi bo‘lmagan shaxslar konsullik bo’limida konsullik ro‘yxatiga olinmaydi.

Vaqtincha konsullik ro‘yxati 4 yilgacha bo‘lgan muddatga rasmiylashtiriladi.

Xorijda bo‘lish maqsadlardan kelib chiqqan holda vaqtincha konsullik ro‘yxati quyidagi muddatlarga rasmiylashtiriladi:

xizmat safari — xizmat safari davomiyligi muddatiga;

o‘qish — o‘qish muddatiga;

davolanish — tibbiy xizmatdan foydalanish yoki davo muolajalari muddatiga;

ishlash — mehnat shartnomasi muddatiga;

o‘z oilasi bilan birlashishga — 4 yilgacha.

Eronda vaqtincha bo‘lib turgan O‘zbekiston Respublikasi fuqarolari va fuqaroligi bo‘lmagan shaxslar konsullik bo’limi ro‘yxatiga olinish uchun quyidagi hujjatlarni taqdim etadi:

interaktiv xizmatlar veb-portali orqali (www.consulate.mfa.uz) to‘ldirilgan ro‘yxatga olish varaqasi, agar interaktiv xizmatlar veb-portali orqali electron ro’yxatga olish varaqasini to’ldirishninng imkoniyati bo’lmaganda konsullik bo’limi tomonidan berilgan ariza va ro’yxatga olish varaqasi to’ldiriladi;

pasport (biometrik, nobiometrik namunadagi), xorijga chiqish biometrik pasporti yoki harakatlanish hujjati;

3 x 4 sm o‘lchamdagi 1 dona fotosurat (elektron ro‘yxatga olish varaqasini to‘ldirishning imkoni bo‘lmaganda);

Eronga xizmat safariga kelgan O‘zbekiston Respublikasi fuqarolari va fuqaroligi bo‘lmagan shaxslar uchun buyruq yoki xizmat safari guvohnomasining nusxasi;

Eronga o‘qishga kelgan O‘zbekiston Respublikasi fuqarolari va fuqaroligi bo‘lmagan shaxslar uchun o‘qish joyidan ma’lumotnoma yoki boshqa tasdiqlovchi hujjatlar;

Eronga davolanishga kelgan O‘zbekiston Respublikasi fuqarolari va fuqaroligi bo‘lmagan shaxslar uchun O‘zbekiston Respublikasi yoki bo‘lib Eron tibbiyot muassasasi tomonidan berilgan tibbiy hujjatlar (tibbiy ma’lumotnoma, tibbiy muassasa taklifnomasi va shu kabilar);

Eronga ishlashga kelgan O‘zbekiston Respublikasi fuqarolari va fuqaroligi bo‘lmagan shaxslar uchun ish joyidan ma’lumotnoma yoki mehnat shartnomasidan nusxa;

nikoh tuzilganligi to‘g‘risida guvohnomaning (oilasi bilan birlashish maqsadida xorijga chiqib ketgan fuqarolar uchun) hamda voyaga yetmagan bolalarning tug‘ilganlik to‘g‘risidagi guvohnomalari (birgalikdagi nikohdan bolalar bo‘lganda) nusxalari;

Doimiy yashash

O‘zbekiston Respublikasida doimiy ro’yxatdan o’tgan, Eronda vaqtincha qonuniy asosda bo‘lib turgan va doimiy yashash uchun Eronda qolishga qaror qilgan O‘zbekiston Respublikasi fuqarosi konsullik bo’limiga quyidagi hujjatlar bilan murojaat qilishi kerak:

anketa-ariza (qog‘ozda yoki elektron);

35 x 45 mm hajmdagi fotosurat (2 dona);

chet elga chiqish uchun nobiometrik pasport, biometrik pasport yoki xorijga chiqish biometrik pasportining asli;

tug‘ilganlik haqidagi guvohnoma nusxasi;

harbiy guvohnoma yoki hisobda turganlik to‘g‘risidagi guvohnoma nusxasi yoki mudofaa bo‘limining belgilangan tartibdagi ma’lumotnomasi (harbiy xizmatga majbur shaxslar uchun);

O‘zbekiston Respublikasi hududida doimiy yashaydigan ota-onasining va turmush o‘rtog‘ining (birgalikda chiqish holatlari bundan mustasno), shuningdek, agar birgalikdagi nikohdan tug‘ilgan bolalar bo‘lsa, O‘zbekiston Respublikasida doimiy yashaydigan sobiq turmush o‘rtog‘ining notarial tasdiqlangan roziligi;

konsullik yig‘imi va haqiqiy xarajatlarning o‘rnini qoplash hisobiga yig‘im (30 AQSH dollar) to‘langanligi to‘g‘risidagi kvitansiya.

Quyidagi holatlarda O‘zbekiston Respublikasining voyaga yetgan va voyaga yetmagan fuqarosi uchun chet elda doimiy yashash uchun O‘zbekiston Respublikasida hisobdan chiqarishga hujjatlarni rasmiylashtirishda ota-onalaridan birining roziligi talab qilinmaydi:

ota-onalardan biri vafot etgan bo‘lsa (vafot etganlik to‘g‘risidagi guvohnoma nusxasi taqdim etilganda);

fuqarolik holati dalolatnomalarini yozish organi tomonidan berilgan bola yolg‘iz ota yoki onaning qaramog‘ida ekanligi to‘g‘risidagi ma’lumotnoma mavjud bo‘lsa;

agar bolaning ota-onalaridan biri chet el fuqarosi bo‘lsa;

ota-onalardan biri sud tomonidan ota-onalik huquqidan mahrum qilingan (sud qarori nusxasi taqdim etilgan taqdirda) bo‘lsa;

ota-onalardan biri sud tomonidan bedarak yo‘qolgan deb topilgan (sud qarorining nusxasi taqdim etilgan taqdirda) bo‘lsa;

ota-onalardan biri sud tomonidan mehnatga layoqatsiz deb topilgan (sud qarorining nusxasi taqdim etilgan taqdirda) bo‘lsa;

ota-onalardan biriga nisbatan qidiruv e’lon qilingan va u qidiruvda bo‘lsa (ichki ishlar organlaridan ma’lumotnoma taqdim etilgan taqdirda);

agar ota-onalardan biri O‘zbekiston Respublikasi hududida hisobdan chiqarilgan va chet elda doimiy yashayotgan bo‘lsa.

O‘ZBEKISTON RESPUBLIKASI FUQAROLIGIDAN CHIQISH HUJJATLARINI RASMIYLASHTIRISH TARTIBI

O‘zbekiston Respublikasining Erondagi Elchixonasi konsullik bo’limida konsullik hisobida turgan fuqarolardan O‘zbekiston Respublikasi fuqaroligidan chiqish bo‘yicha hujjatlar qabul qilinadi. Вarcha hujjatlar 2 nusxada taqdim etilishi lozim.

O‘zbekiston Respublikasi fuqaroligidan chiqish bo‘yicha ariza va hujjat topshirish uchun arizachi konsullik bo’limiga shaxsan murojaat etishi talab etiladi. Shu bilan birga, quyidagi hujjatlarni ilova etadi:

• O‘zbekiston Respublikasi Prezidenti nomiga ariza;

• o‘rnatilgan tartib bo‘yicha anketa-ariza;

• avtobiografiya va yaqin qarindoshlari haqida ma’lumot;

• arizachining tug’ilganligi to‘g’risidagi guvohnomasi;

• 4 ta surat (35-45mm);

• fuqarolik pasportining barcha varaqlaridan nusha;

• boshqa davlat fuqaroligini qabul qilganligini tasdiqlovchi yoki vakolat beruvchi hujjat, rasmiy tarjima bilan;

• O‘zbekiston Respublikasi fuqaroligidan chiqish uchun hujjat rasmiylashtirayotgan arizachi voyaga etmagan farzandi bilan (18 yoshgacha) hujjat topshirayotgan bo‘lsa, bolaning tug’ilganligi to‘g’risidagi va arizachining turmush qurganligi to‘g’risidagi guvohnomalarining asli va nushalarini taqdim etishi lozim;

• otalari yoki onalari bilan birga fuqarolikdan chiqayotgan 14 yoshdan 18 yoshgacha bo‘lgan farzandlar o‘zlarining O‘zbekiston Respublikasi fuqaroligidan chiqish bo‘yicha rozilik arizalarini taqdim etadilar;

• agar ota-ona ikkalasi ham O‘zbekiston Respublikasi fuqarosi bo‘lib, faqat bittasi voyaga etmagan farzandi bilan O‘zbekiston Respublikasi fuqaroligidan chiqayotgan bo‘lsa, boshqasini bolaning va turmush o‘rtog’ining O‘zbekiston Respublikasi fuqaroligidan chiqishiga bo‘lgan munosabati arizasida ko‘rsatilishi lozim;

• ba’zi hollarda nikohdan ajralganlik to‘g’risidagi, o‘lim to‘g’risidagi guvohnomalar, bolalikka olish, ota-onalik huquqidan mahrum qilish to‘g’risidagi ma’lumotnomalarning notarius tomonidan tasdiqlangan nushalari talab qilinadi.

O‘zbekiston Respublikasi fuqaroligidan chiqish to‘g’risidagi ariza 1 yil ko‘rib chiqiladi. Ko‘rib chiqish va arizaga asosan hujjatlarni rasmiylashtirish uchun konsullik to‘lov sifatida 100 AQSH dollari+20 dollar ma’muriy to‘lov to‘lanadi.

Pasport masalasi

Elchixona konsullik bo’limi tomonidan Eronda doimiy yashaydigan va doimiy konsullik ro‘yxatida turadigan fuqarolarga, shuningdek, O‘zbekiston Respublikasi hududida doimiy yashaydigan va xorijga olti oydan ko‘p muddatga xizmat safari, o‘qish, davolanish, kontrakt bo‘yicha ishlash, oilasi bilan birlashish maqsadida Eronga vaqtinchalik yashash uchun kelgan hamda konsullik bo’limida vaqtinchalik ro‘yxatda turgan O‘zbekiston Respublikasi fuqarolariga quyidagi hollarda xorijga chiqish biometrik pasportini rasmiylashtirish va berish amalga oshiriladi:
farzand Eronda tug‘ilganida;
xorijga chiqish biometrik pasportining amal qilish muddati tugaganida;
familiyasi, ismi, otasining ismi, tug‘ilgan sanasi, jinsi o‘zgarganida;
yozuvlarda noaniqliklar va xatolar mavjudligi aniqlanganida;
ma’lumotlar yoki vizalar uchun mo‘ljallangan betlar ishlatilib bo‘linganida;
xorijga chiqish biometrik pasporti blankasi yaroqsiz holga kelganida;
xorijga chiqish biometrik pasporti yo‘qotib qo‘yilganida;
xorijga chiqish biometrik pasporti ashyoviy dalil sifatida olib qo‘yilganida.

Fuqarolar xorijga chiqish biometrik pasportini olish uchun Elchixona konsullik bo’limiga murojaat qilishlar zarur. Shuningdek, ular xorijga chiqish biometrik pasportini rasmiylashtirish uchun konsullik bo’limiga murojaat qilishdan oldin konsullik interaktiv hizmatlar veb-portalida (www.consulate.mfa.uz) joylashtirilgan anketaning elektron shaklini oldindan to‘ldirib interaktiv xizmatidan foydalanishi mumkin.

Agar ushbu xizmatdan foydalanish imloniyati bo’lmasa? Ariza-anketa va fuqaro tomonidan to’ldirilishi zarur bo’lgan boshqa hujjatlar konsullik bo’limi tomonidan beriladi.
1. Elchixona konsullik bo’limida doimiy konsullik ro‘yxatida turadigan O‘zbekiston Respublikasi fuqarolari uchun xorijga chiqish biometrik pasportini rasmiylashtirishda konsullik bo’limiga quyidagi hujjatlar taqdim qilinadi:
ariza-anketa;
pasportning (nobiometrik, biometrik va/yoki xorijga chiqish biometrik) asli;
35 x 45 mm hajmdagi fotosurat (1 dona);
fuqaroning Eron qonuni talablariga muvofiq ushbu davlat hududida qonuniy tarzda bo‘lishini tasdiqlovchi hujjat (viza, yashash uchun guvohnoma, vaqtinchalik yashash uchun guvohnoma, ma’lumotnoma va shu kabilar);
konsullik yig‘imi va haqiqiy xarajatlarning o‘rnini qoplash hisobiga yig‘im (170 AQSH dollari) to‘langanligi to‘g‘risida kvitansiya.

Voyaga yetmagan shaxslar va 16 yoshga to‘lguniga qadar xorijga chiqish biometrik pasportini olmagan, ota-onalari yoki boshqa qonuniy vakillar bilan doimiy konsullik ro‘yxatida turgan shaxslar uchun quyidagi hujjatlar taqdim etiladi:
ariza-anketa;
tug‘ilganlik haqidagi guvohnoma (16 yoshga yetmagan shaxslar va birinchi marotaba xorijga chiqish biometrik pasporti rasmiylashtirilayotgan 16 yoshga to‘lgan shaxslar uchun) yoki biometrik pasportning asl nusxasi;
35 x 45 mm hajmdagi fotosurat (1 dona);
voyaga yetmagan shaxsga birinchi marotaba xorijga chiqish biometrik pasportini rasmiylashtirish uchun ota-onasi yoki boshqa qonuniy vakillar pasportlarining (nobiometrik, biometrik va/yoki xorijga chiqish biometrik paksporti) asl nusxasi. Ota-onalardan birining pasportini taqdim etish imkoniyati bo‘lmagan hollarda tegishli hujjat taqdim etiladi, xususan, o‘lim haqidagi guvohnoma, nikoh bekor qilinganligi haqidagi guvohnoma, nikoh haqiqiy emas deb topilganligi haqida sud qarorining ko‘chirmasi (nusxasi), vakolatli organlardan ota-onalardan birining bedarak yo‘qolgan yoki vafot etgan deb topilganligi to‘g‘risidagi ma’lumotnoma, bola yolg‘iz ota yoki onaning qaramog‘ida ekanligini tasdiqlovchi hujjat yoki Eron qonunchiligiga muvofiq shunga o‘xshash boshqa hujjat;
voyaga yetmagan shaxsning ota-onalari yoki boshqa qonuniy vakillari o‘zlari Eron qonunchiligiga muvofiq xorijiy davlat hududida bo‘lishining qonuniyligini tasdiqlovchi hujjat (viza, yashash uchun guvohnoma, vaqtinchalik yashash uchun guvohnoma, ma’lumotnoma va shu kabilar);
ota-onalardan biri Eron fuqarosi bo‘lsa, uning bola xorijga chiqish biometrik pasportini olishiga e’tirozi yo‘qligi haqida notarial tasdiqlangan arizasi;
O‘zbekiston Respublikasida doimiy yashaydigan ota-onalardan birining yoki boshqa qonuniy vakilning notarial tasdiqlangan roziligi (agar 16 yoshga to‘lmagan shaxs doimiy konsullik ro‘yxatida ota-onalardan biri bilan turgan bo‘lsa);
hamrohlik qiluvchi shaxsning notarial tasdiqlangan majburiyati;
nobiometrik pasport, biometrik pasport va/yoki xorijga chiqish biometrik pasporti yo‘qolganligi to‘g‘risida Eron vakolatli organlarining ma’lumotnomasi (pasport yo‘qolgan holatda);
haqiqiy xarajatlarning o‘rnini qoplash hisobiga yig‘im (20 AQSH dollar) to‘langanligi to‘g‘risidagi kvitansiya.
Familiyasi, ismi, otasining ismi, tug‘ilgan sanasi, jinsi o‘zgarganligi yohud yozuvlarda noaniqliklar va xatolar mavjudligi aniqlanganligi munosabati bilan xorijga chiqish biometrik pasporti almashtirilayotganda fuqaro konsullik muassasasiga ushbu holatlarni tasdiqlaydigan hujjatlarni taqdim etadi.

2. Elchixona konsullik bo’limida vaqtinchalik konsullik ro‘yxatida turadigan O‘zbekiston Respublikasi fuqarolari uchun xorijga chiqish biometrik pasportini rasmiylashtirishda konsullik bo’limiga quyidagi hujjatlar taqdim qilinadi:
ariza-anketa;
pasportning (nobiometrik, biometrik va/yoki xorijga chiqish biometrik) asli;
35 x 45 mm hajmdagi fotosurat (1 dona);
o‘qish joyidan (o‘qish muddatlari ko‘rsatilgan holda), ish joyidan (yoki mehnat shartnomasi), tibbiyot muassasasidan (davolanayotganlar uchun) ma’lumotnoma yoki oila a’zolari bilan birlashish maqsadida xorijga chiqqan shaxslar uchun qarindoshlik aloqalarini tasdiqlovchi hujjat;
O‘zbekiston Respublikasi fuqarosining Eron hududida qonuniy tarzda bo‘lishini tasdiqlovchi hujjat (o‘qish yoki ish vizasi, pasportdagi tegishli qaydlar yoki ma’lumotnomalar);
harbiy guvohnoma yoki hisobda turganlik to‘g‘risidagi guvohnoma nusxasi yoki mudofaa bo‘limining belgilangan tartibdagi ma’lumotnomasi (harbiy xizmatga majbur shaxslar uchun);
konsullik yig‘imi va haqiqiy xarajatlarning o‘rnini qoplash hisobiga yig‘im (170 AQSH dollar) to‘langanligi to‘g‘risidagi kvitansiya.
Voyaga yetmagan shaxslar va 16 yoshga to‘lganidan keyin xorijga chiqish biometrik pasportini olmagan, ota-onalari yoki boshqa qonuniy vakillar bilan doimiy konsullik ro‘yxatida turgan shaxslar uchun quyidagi hujjatlar taqdim etiladi:
ariza-anketa;
tug‘ilganlik haqidagi guvohnoma (16 yoshga yetmagan shaxslar va birinchi marotaba xorijga chiqish biometrik pasporti rasmiylashtirilayotgan 16 yoshga to‘lgan shaxslar uchun) yoki biometrik pasportning asli;
35 x 45 mm hajmdagi fotosurat (1 dona);
voyaga yetmagan shaxsga birinchi marotaba xorijga chiqish biometrik pasportini rasmiylashtirish uchun ota-onasi yoki boshqa qonuniy vakillar pasportlarining (nobiometrik, biometrik va/yoki xorijga chiqish biometrik pasporti) asli. Ota-onalardan birining pasportini taqdim etish imkoni bo‘lmagan hollarda tegishli hujjat taqdim etiladi, xususan, o‘lim haqidagi guvohnoma, nikoh bekor qilinganligi haqida guvohnoma, nikoh haqiqiy emas deb topilganligi haqida sud qarorining ko‘chirmasi (nusxasi), vakolatli organlardan ota-onalardan birining bedarak yo‘qolgan yoki vafot etgan deb topilganligi to‘g‘risidagi ma’lumotnoma, bola yolg‘iz ota yoki onaning qaramog‘ida ekanligini tasdiqlovchi hujjat yoki Eron qonunchiligiga muvofiq shunga o‘xshash teng hujjat;
voyaga yetmagan shaxsning ota-onalari yoki boshqa qonuniy vakillarining Eron hududida, ushbu mamlakatning qonunchiligiga muvofiq, qonuniy tarzda bo‘lishini tasdiqlovchi hujjat (o‘qish yoki ish vizasi, pasportdagi tegishli qaydlar, ma’lumotnomalar);
O‘zbekiston Respublikasi hududida doimiy yashovchi ota-onalardan birining yoki boshqa qonuniy vakilning notarial tasdiqlangan roziligi (agar 16 yoshga to‘lmagan shaxs vaqtinchalik konsullik ro‘yxatida ota-onalardan biri bilan turgan bo‘lsa);
hamrohlik qiluvchi shaxsning notarial tasdiqlangan majburiyati;
nobiometrik pasport, biometrik pasport va/yoki xorijga chiqish biometrik pasportining yo‘qolganligi to‘g‘risidagi bo‘lib turgan mamlakat vakolatli organlarining ma’lumotnomasi (pasport yo‘qolganda);
haqiqiy xarajatlarning o‘rnini qoplash hisobiga yig‘im (20 AQSH dollar) to‘langanligi to‘g‘risida kvitansiya.
Familiyasi, ismi, otasining ismi, tug‘ilgan sanasi, jinsi o‘zgarganligi yoxud yozuvlarda noaniqliklar va xatolar mavjudligi aniqlanganligi munosabati bilan xorijga chiqish biometrik pasporti almashtirilayotganda fuqaro konsullik muassasasiga ushbu holatlarni tasdiqlaydigan hujjatlarni taqdim etadi.

MUXIM

Mazkur toifadagi fuqarolarga pasport chet elga qonuniy tarzda olti oydan ortiq muddatga xizmat safariga, o`qish, davolanish va shartnoma bo`yicha ishlashga chiqqan va xorijga vaqtincha chiqishlarini belgilangan tartibda rasmiylashtirgan taqdirda beriladi.

Vaqtinchalik konsullik ro`yxatiga olinmagan vaqtincha xorijda bo`lgan fuqarolar pasport rasmiylashtirish yoki olish zarurati bo`lgan hollarda (pasportini yo`qotgan, amal qilish muddatini o`tkazib yuborgan yoki yaroqsiz holga keltirilgan taqdirda) tegishli konsullik muassasasiga O`zbekiston Respublikasiga qaytish guvohnomasini (Sertifikat) olish uchun murojaat etadilar va pasportlarini o’zlari doimiy ro’yxatda bo’lgan joy IIV idoralarida olishlari mumkin.

IZOH:

bir yoshgacha bo`lgan fuqarolarga – 2 yil muddatga;
bir yoshdan o`n olti yoshgacha – besh yil muddatga. Shu bilan birga, fuqaroga rasmiylashtiriladigan pasportning amal qilish muddati uning 16 yoshidan oshmasligi kerak;
16 yoshdan fuqarolarga pasport 10 yil muddatga beriladi.

Alohida holatlarda agar shaxs Respublika hududidan tashqariga chiqayotgan vaqtda 15 yoshdan oshgan bo`lsa, mazkur 16 yoshga to`lmagan shaxsga pasport 10 yil muddatga berilishi mumkin.

Pasport Xalqaro fuqaro aviatsiyasi tashkiloti (ICAO) tavsiyalariga ko`ra belgilangan namunada biometrik ma’lumotlar bilan tayyorlanadi va latin harflari yordamida o`zbek va ingliz tilida, Qoraqalpog`iston Respublikasi uchun esa qoraqalpoq, o`zbek va ingliz tillarida personallashtiriladi. Asosiy ma’lumotlardan tashqari pasportga bir qator qo`shimcha ma’lumotlar kiritiladi. Ulardan asosiylari – harbiy majburiyat to`g`risidagi, nikoh tuzilganligi yoki bekor qilinganligi haqidagi, ro`yxatdan o`tish yoki ro`yxatdan chiqqanlik to`g`risidagi, chet elga chiqish ruxsat yozuvi va O`zbekiston Respublikasi davlat chegaralarini kesib o`tganlik to`g`risidagi belgilardir. Vizalar uchun ajratilgan betlarni ko`paytirish hisobiga pasport varaqlari soni ko`paytirildi. Bundan tashqari, yangi tipdagi pasportga fotosurat chop etish yo`li orqali kiritiladi, bu esa hujjatning ehtimoliy qalbakilashtirilishidan himoyalanganlik darajasini oshiradi.

O`zbekiston Respublikasining chet eldagi vakolatxonalarida quyidagi fuqarolar biometrik pasport olishlari mumkin:

1) barcha xorijiy tillardagi hujjatlar tarjima qilingan xolda bo’lishi lozim;
2) to’lovlarni Bosh konsulxonada amalga oshirish mumkin;
3) O`zbekiston Respublikasi qonunchiligiga ko`ra chet elda bo`lib turuvchi fuqarolarning barchasi ham O`zbekiston Respublikasining chet eldagi vakolatxonalarida biometrik pasport rasmiylashtiriladigan shaxslar toifasiga kirmasligini e’tiborga olgan holda, Respublikaning vakolatli idoralari qarori bilan O`zbekiston Respublikasining biometrik bo`lmagan pasporti uning egasi tomonidan agar pasportning amal qilish muddati tugamagan bo`lsa 2018-yil 1-iyulga qadar faqat O`zbekistonga qaytish hujjati sifatida, shu jumladan uchunchi davlatlar orqali tranzit o`tish uchun ham, ishlatilishi mumkinligi belgilandi.

O`zbekistondan hujjatlatlarni so’rab olish

O`zbekiston Respublikasidan hujjatlarni so`rab olish uchun O`zbekiston Respublikasi fuqarolari, xorijiy fuqarolar va fuqarolikka ega bo`lmagan shaxslar bevosita O`zbekiston Respublikasi arxiv muassasalariga ham, shuningdek O`zbekiston Respublikasining xorijdagi diplomatik vakolatxonalariga va konsullik muassasalariga ham murojaat etishlari mumkin.

O`zbekiston Respublikasining xorijdagi diplomatik vakolatxonasiga yoki konsullik muassasasiga murojaat etuvchi shaxs har bir so`rab olinayotgan hujjat uchun alohida belgilangan shakldagi maxsus anketani ikki nusxada to`ldirishi, shuningdek konsullik yig`imini, hamda amaldagi xarajatlarni qoplash yig`imini to`lashi shart.

Mehnat va pensiya daftarchalari, harbiy biletlarning asl nusxalarini so`rab olish, jo`natib yuborish yoki xorijga chaqirtirib olishga yo`l qo`yilmaydi.

Shuningdek, agar nikoh bekor qilingan bo`lsa, nikohdan o`tganlik to`g`risidagi guvohnomani, shuningdek vafot etgan shaxsning tug`ilganlik to`g`risidagi guvohnomasini qaytadan so`rab olinishi mumkin emas. Voyaga yetmagan shaxslarning tug`ilganlik to`g`risidagi guvohnomalari ularning qonuniy vakillari tomonidan so`rab olinishi mumkin. Vafot etganlik to`g`risidagi guvohnomalar vafot etgan shaxsning qarindoshlari yoki yuridik shaxslar tomonidan rasmiy maqsadlar uchun so`rab olinishi mumkin.

Amaliyotning ko`rsatishicha, ma`lumot to`g`risidagi hujjatlarni (attestatlar, diplomlar va ulardan ko`chirmalarni) O`zbekiston Respublikasidan so`rab olishda manfaatdor shaxslarning bevosita o`quv muassasasiga murojaat etishi bir muncha samarali natija beradi. Buning uchun shaxsiy ishni arxivlardan izlab topish, hujjatning dublikatini tayyorlash, shahodatlash va arizachiga jo`natib yuborish bilan bog`liq barcha xarajatlarning qoplanishi shart bo`ladi.

Har bir hujjat uchun arizachining pasporti nusxasini taqdim qilgan holda ikki nusxada to`ldiriladi.

Savollarga javoblar to`liq va aniq bo`lishi kerak.

O‘ZBEKISTON RESPUBLIKASI VIZASI

O‘zbekiston Respublikasi qonunchiligiga muvofiq chet el fuqarolari va fuqaroligi bo‘lmagan shaxslar faqat viza asosida O‘zbekiston hududiga kirishlari va uning hududi orqali tranzit o‘tishlari mumkin.

Chet el fuqarolari va fuqaroligi bo‘lmagan shaxslarga vizalar O‘zbekiston Respublikasining xorijdagi diplomatik vakolatxonalari va konsullik muassasalarida viza talabnomasi (O‘zbekiston Respublikasi Tashqi ishlar vazirligi tasdig‘i) asosida beriladi.

Viza talabnomasi O‘zbekiston hududida doimiy yoki vaqtincha joylashgan yuridik va jismoniy shaxslarning O‘zbekiston Respublikasi Tashqi ishlar vazirligiga yozma iltimosnomasi asosida rasmiylashtiriladi.

Yuridik shaxslar quyidagi hujjatlarni taqdim etadilar:

- Tashkilotning rasmiy blankida to‘ldirilgan, o‘rnatilgan namunadagi Viza talabnomasi (doc, 48 kb);

- evisa.mfa.uz saytidan olingan elektron anketa; - Taklif qilinayotgan shaxsning, tashkilot rahbarining va tashkilotning hujjatlarini topshirishga vakolatli xodimining pasportlari nusxalari;

- Tashkilotning rasmiy hujjatlari nusxalari (litsenziya, sertifikat, guvohnoma va hk.);

- Tashkilot rahbari va vakolatli xodimining ishga joylashish to‘g‘risidagi buyruqlari nusxalari;

- Tashkilotning vakolatli xodimi nomiga berilgan ishonchnoma nusxasi;

- Viza Toshkent shahrining aeroportida olinishi mo‘ljallangan holatlarda - aviachipta yoki bron nusxalari;

- Taklif qilinayotgan shaxsning ish joyidan ma’lumotnoma.

Investitsion vizasini rasmiylashtirish uchun taklif qiluvchi xorijiy investitsiyalar ishtirokidagi yuridik shaxs yuqorida qayd etilgan hujjatlardan tashqari quyidagi ma’lumotnomalardan birini taqdim etishi kerak:

- xo‘jalik jamiyatlarining sotib olingan aksiyalari miqdori to‘g‘risida (“Qimmatli qog‘ozlar markaziy depozitariysi” davlat korxonasi tomonidan beriladi);

- xo‘jalik jamiyatlarining sotib olingan ulushlari miqdori, shuningdek, O‘zbekiston Respublikasi hududida xorijiy investitsiyalar ishtirokida korxonalar tashkil etilganligi to‘g‘risida (O‘zbekiston Respublikasi Adliya vazirligi huzuridagi Davlat xizmatlari agentligi yoki uning hududiy boshqarmalari tomonidan beriladi).

Jismoniy shaxslar quyidagi hujjatlarni taqdim etadilar:

- O‘rnatilgan namunadagi Viza talabnomasi (doc, 45 kb);

- evisa.mfa.uz saytidan olingan elektron anketa;

- Taklif qilinayotgan va taklif qilayotgan shaxslarning pasportlari nusxalari;

- Ichki ishlar organlari tomonidan olingan taklifnoma ruxsatining asli;

- Qarindoshlik aloqalarini tasdiqlovchi hujjatlar nusxalari (agar bo‘lsa);

- Viza Toshkent shahrining aeroportida olinishi mo‘ljallangan holatlarda - aviachipta yoki bron nusxalari.

Yuridik va jismoniy shaxslarning o‘rnatilgan tartibda O‘zbekiston Respublikasi Tashqi ishlar vazirligiga taqdim qilingan yozma iltimosnomalari 10 ish kuni davomida ko‘rib chiqiladi.

Chet el fuqarolari va fuqaroligi bo‘lmagan shaxslar viza olish uchun Elchixona konsullik bo’limiga quyidagi hujjatlarni taqdim etishlari lozim:

- pasport yoki fuqaroligi bo‘lmagan shaxs hujjati (ushbu hujjatlarning amal qilish muddati viza muddatidan kamida 3 oydan ko‘p bo‘lishi lozim);

- 1 nusxada to‘liq to‘ldirilgan viza talabnomasi;

- 1 ta rangli fotosur’at (pasport o‘lchamida).

Chet el fuqarolari va fuqaroligi bo‘lmagan shaxslar tranzit viza olishlari uchun yuqorida ko‘rsatilgan hujjatlardan tashqari ketayotgan davlatning vizasi va O‘zbekistondan chiqib ketish sanasi tasdiqlangan yo‘l hujjatlariga ega bo‘lishlari lozim. Ushbu holda viza talabnomasini ko‘rib chiqish muddati 3 kunni tashkil etadi.

O‘zbekiston Respublikasining diplomatik muassasasi yoki konsullik vakolatxonasi bo‘lmagan davlat fuqarolari va fuqaroligi bo‘lmagan shaxslar vizani O‘zbekistonga kelib, Tashqi ishlar vazirligining «Toshkent» xalqaro aeroportidagi viza bilan ta’minlash sektoridan olishlari mumkin. Buning uchun O‘zbekiston hududidagi taklif qiluvchi jismoniy yoki yuridik shaxs o‘rnatilgan tartibda oldindan O‘zbekiston Respublikasi Tashqi ishlar vazirligiga murojaat qilishi, Konsullik boshqarmasining Viza bilan ta’minlash bo‘limidan tegishli tasdiq (shtamp) olishi va uni taklif qilinuvchi shaxsga yuborishi lozim. Mazkur tasdiq taklif qilinuvchi shaxs tomonidan aviachipta xarid qilish va o‘z davlatidagi pasport tekshiruvidan o‘tish paytida taqdim etiladi va ushbu hujjat asosida Tashqi ishlar vazirligining «Toshkent» xalqaro aeroportidagi viza bilan ta’minlash sektorida unga viza rasmiylashtiriladi.

O‘zbekiston Respublikasi qonunchiligiga muvofiq vizalarni rasmiylashtirish va berish uchun quyidagi konsullik yig‘imlari o‘rnatilgan:

a) Bir martalik vizalar uchun:

7 kungacha — 40 AQSh dollari;
15 kungacha — 50 AQSh dollari;
30 kungacha — 60 AQSh dollari;
3 oygacha — 80 AQSh dollari;
6 oygacha — 120 AQSh dollari;
1 yilgacha — 160 AQSh dollari.

Izoh: har bir qo‘shimcha kirishlar soni uchun tariflar stavkasi 10 AQSh dollariga oshiriladi.

b) Ko‘p martalik vizalar uchun:

6 oygacha- 150 AQSh dollari;
1 yilgacha — 250 AQSh dollari.

c) Tranzit vizalar uchun:

72 soatgacha — 40 AQSh dollari;
ikki martalik tranzit viza uchun — 50 AQSh dollari.

d) Guruh vizalari uchun (guruhda 16 yoshgacha bo‘lgan bolalardan tashqari kamida 5 kishi bo‘lishi lozim):

15 kungacha — 15 AQSh dollari (har bir kishi uchun);
30 kungacha — 25 AQSh dollari (har bir kishi uchun).

Bundan tashqari viza berish paytida viza rasmiylashtirish bilan bog‘liq bo‘lgan haqiqiy harajatlarni qoplash uchun yig‘imlar undiriladi. Bunday yig‘imlarning miqdori viza rasmiylashtirilayotgan joyga bog‘liqdir (murojaat qilayotgan shaxsning fuqaroligidan qat’iy nazar).

Izoh: O‘zbekiston Respubliksasi bilan tegishli ikki tomonlama shartnoma va kelishuvlar tuzgan davlat fuqarolariga nisbatan O‘zbekistonga kirish vizasini rasmiylashtirishning boshqacha tartibi joriy qilingan bo‘lishi mumkin.

O‘ZBEKISTON RESPUBLIKASINING KIRISH, CHIQISH VA TRANZIT VIZALARI (ELEKTRON BO‘LMAGAN) TOIFALARINING RO‘YXATI

O‘ZBEKISTONNING ALOHIDA DAVLATLAR BILAN VIZA TARTIBI

Fuqarolari uchun O‘zbekiston Respublikasida vizasiz rejim joriy qilingan mamlakatlar ro‘yxati

Cheklanmagan muddat:

1. Ozarbayjon Respublikasi

2. Gruziya

3. Armaniston Respublikasi

4. Belarus Respublikasi

5. Qozog‘iston Respublikasi

6. Moldova Respublikasi

8. Ukraina

60 kungacha:

9. Qirg‘iziston Respublikasi

30 kungacha:

10. Avstraliya Ittifoqi

11. Avstriya Respublikasi

12. Argentina Respublikasi

13. Bosniya va Gersegovina

14. Vatikan

15. Lyuksemburg Buyuk Gersogligi

16. Vengriya

17. Bruney-Dorussalom davlati

18. Isroil davlati

19. Gretsiya Respublikasi

20. Irlandiya

21. Islandiya

22. Italiya Respublikasi

23. Kanada

24. Andorra Knyazligi

25. Lixtenshteyn Knyazligi

26. Monako Knyazligi

27. Belgiya Qirolligi

28. Daniya Qirolligi

29. Ispaniya Qirolligi

30. Niderlandiya Qirolligi

31. Norvegiya Qirolligi

32. Shvetsiya Qirolligi

33. Latviya Respublikasi

34. Litva Respublikasi

35. Malayziya

36. Mo‘g‘uliston

37. Yangi Zelandiya

38. Birlashgan Arab Amirliklari

39. Portugaliya Respublikasi

40. Bolgariya Respublikasi

41. Indoneziya Respublikasi

42. Kipr Respublikasi

43. Koreya Respublikasi

44. Malta Respublikasi

45. Polsha Respublikasi

46. San-Marino Respublikasi

47. Serbiya Respublikasi

48. Sloveniya Respublikasi

49. Tojikiston Respublikasi

50. Xorvatiya Respublikasi

51. Chili Respublikasi

52. Ruminiya

53. Singapur

54. Slovakiya Respublikasi

55. Buyuk Britaniya va Shimoliy Irlandiya Birlashgan Qirolligi

56. Turkiya Respublikasi

57. Braziliya Federativ Respublikasi

58. Germaniya Federativ Respublikasi

59. Finlyandiya Respublikasi

60. Fransiya Respublikasi

61. Chernogoriya

62. Chexiya Respublikasi

63. Shveysariya Konfederatsiyasi

64. Estoniya Respublikasi

65. Yaponiya

66. Antigua va Barbuda

67. Barbados

68. Beliz

69. Grenada

70. Dominika Respublikasi

71. Meksika Qo‘shma Shtatlari

72. Gvatemala Respublikasi

73. Gonduras Respublikasi

74. Kosta-Rika Respublikasi

75. Kuba Respublikasi

76. Nikaragua Respublikasi

77. Panama Respublikasi

78. Trinidad va Tobago Respublikasi

79. El-Salvador Respublikasi

80. Sent-Vinsent va Grenadin

81. Sent-Lyusiya

82. Bagama Orollari Hamdo‘stligi

83. Dominikana Hamdo‘stligi

84. Sent-Kits va Nevis Federatsiyasi

85. Yamayka

7 kundan ko‘p bo‘lmagan:

86. Xitoy Xalq Respublikasi, shu jumladan, Xitoy Xalq Respublikasining Gonkong maxsus ma’muriy hududi.

Izoh:

1. Ikki tomonlama xalqaro shartnomalar va tenglik asosida Ozarbayjon Respublikasi, Gruziya, Armaniston Respublikasi, Belarus Respublikasi, Qozog‘iston Respublikasi, Moldova Respublikasi, Rossiya Federatsiyasi, Ukraina, Qirg‘iziston Respublikasi (60 kungacha) va Tojikiston Respublikasi (30 kungacha) bilan ikki tomonlama vizasiz rejim o‘rnatilgan.

2. Ushbu Izohning 1-bandida ko‘rsatib o‘tilmagan qolgan mamlakatlarga nisbatan O‘zbekiston Respublikasi tomonidan bir tomonlama tarzda 30 kun muddatga vizasiz rejim joriy qilingan.

3. Vizasiz rejim yuqorida sanab o‘tilgan mamlakatlarning fuqarolariga, ularning safar maqsadlaridan qat’i nazar O‘zbekiston Respublikasiga tashrif buyurishni rejalashtirayotgan barcha toifadagi pasport (diplomatik, xizmat va umumfuqarolik) egalariga nisbatan qo‘llaniladi. Mamlakatga kirish uchun shaxs amaldagi milliy pasport yoki xorijiy mamlakatlarga safar vaqtida qo‘llaniladigan, uning o‘rniga o‘tadigan, amal qilish muddati vizani rasmiylashtirishdan kamida 6 oyni tashkil qilishi kerak bo‘lgan boshqa hujjatga ega bo‘lishi kerak.

Vizasiz rejim ko‘rsatib o‘tilgan mamlakatlar hududida doimiy yashaydigan, fuqaroligi bo‘lmagan shaxslarga nisbatan qo‘llanilmaydi.

30 kunlik va 60 kunlik vizasiz rejim O‘zbekiston Respublikasi davlat chegarasini kesib o‘tgan vaqtdan boshlab amalga kiradi va uning tugashiga qadar xorijiy fuqaro respublikadan chiqib ketishi kerak.

O‘zbekiston Respublikasida 30 yoki 60 kundan ko‘p bo‘lish zarurati holatlarida xorijiy fuqaro ushbu qarorga 4-ilovada bayon etilgan, O‘zbekiston Respublikasiga kirish vizalari toifalarining birini unga rasmiylashtirish uchun zarur hujjatlarni topshirishi kerak.

4. Ro‘yxatda 66 dan 85 gacha ko‘rsatib o‘tilgan mamlakatlar fuqarolari uchun 30 kun muddatga vizasiz rejim 2020 yil 1 yanvardan belgilanadi.

5. Xitoy Xalq Respublikasi, shu jumladan, Xitoy Xalq Respublikasining Gonkong maxsus ma’muriy hududi fuqarolari uchun mamlakatning xalqaro aeroportlari orqali ko‘pi bilan 7 kun muddatga O‘zbekiston Respublikasiga kirishning vizasiz rejimi O‘zbekiston Respublikasi Davlat xavfsizlik xizmati Chegara qo‘shinlarining bo‘linmalariga yo‘lovchilar to‘g‘risida dastlabki ma’lumotlarni o‘z vaqtida taqdim qiluvchi tashuvchining qaytuvchi aviachiptasi mavjud bo‘lganda 2020 yil 1 yanvardan belgilanadi.

3. 16 yoshga to’lmagan xorijiy fuqarolar uchun O’zbekiston Respublikasiga vizasiz kirish tartibi o’rnatilgan, bunda ushbu fuqarolar qonuniy vakillari hamrohligida bo‘lishlari va biometrik o‘tish hujjatiga ega bo‘lishlari talab etiladi va O‘zbekiston hududida hamroh shaxsning vizasi amal qilish davrida, lekin 90 kundan ortiq bo‘lmagan muddatda bo‘lishlari mumkin.

4. Tojikiston, Turkmaniston, Vengriya va Xitoy (30 kungacha), Koreya Respublikasi, Hindiston va Vetnam (60 kungacha), Braziliya, Estoniya,Kuvayt, Latviya, Polsha, Ruminiya, Singapur, Slovakiya va Turkiya (90 kungacha) diplomatik pasport egalari uchun vizasiz tartib joriy etilgan. Ushbu davlatlarning (Hindistondan tashqari) O‘zbekiston Respublikasi hududida akkreditatsiya qilingan diplomatik vakolatxonalari yoki konsullik muassasalarida diplomatik pasport egasi bo‘lgan xodimlari, shuningdek, ularning oila a’zolari xizmat muddati davomida O‘zbekiston Respublikasiga vizasiz kirish va bu yerda bo‘lish huquqiga egadirlar.

5. Chet el fuqarolariga elektron kirish vizasi tartibi (e-visa.gov.uz) joriy etilgan va O‘zbekiston Respublikasi elektron vizasini olish imkoniyatiga ega bo‘lgan mamlakatlar ro‘yxati 1-ilovaga muvofiq tasdiqlangan.

2019-yil 15-martdan boshlab 30 kunlik amal qilish muddati bo‘lgan elektron visa tizimining quyidagi turlari joriy etiladi:
- ikki martalik, konsullik yig‘imi 35 AQSh dollari miqdorida;
- ko‘p martalik, konsullik yig‘imi 50 AQSh dollari miqdorida.

6. O‘zbekistonga besh kungacha vizasiz kirish tartibi 2-ilovadagi davlatlat fuqarolariga nisbatan joriy etilgan bo‘lib, bunda chet el fuqarolari O‘zbekiston Respublikasining xalqaro aeroportlari orqali tranzit bilan ketayotganlari va uchinchi mamlakatga O‘zbekiston Havo yo‘llari Milliy aviakompaniyasining uchish chiptasiga ega bo‘lishlari lozim. Ushbu amaliyot O’zbekistonning diqqatga sazovor joylari bilan tanishishni istagan tranzit yo’lovchilarga nisbatan qo’llaniladi;

7. O‘zbekiston va Yaponiya o‘zaro kelishuv asosida vizalarni konsullik yig‘imlari undirmasdan beradilar.

Fuqarolari elektron kirish vizasini olish (e-visa.gov.uz) yoki O‘zbekistonning konsullik muassasalarida soddalashtirilgan tartibda turizm vizalarini rasmiylashtirish imkoniyatiga ega bo‘lgan mamlakatlar ro‘yxati

1. Albaniya Respublikasi
2. Amerika Qo‘shma Shtatlari
3. Angola Respublikasi
4. Antigua va Barbuda
5. Bagama Orollari Hamdo‘stligi
6. Bahrayn Qirolligi
7. Bangladesh Xalq Respublikasi
8. Barbados
9. Beliz
10. Butan Qirolligi
11. Dominikana Hamdo‘stligi
12. Dominikana Respublikasi
13. Ekvador Respublikasi
14. El-Salvador Respublikasi
15. Eron Islom Respublikasi
16. Fiji Respublikasi
17. Filippin Respublikasi
18. Gabon Respublikasi
19. Gana Respublikasi
20. Gayana Kooperativ Respublikasi
21. Gonduras Respublikasi
22. Grenada
23. Gvatemala Respublikasi
24. Hindiston Respublikasi
25. Iordaniya Hoshimiylar Qirolligi
26. Janubiy Afrika Respublikasi
27. Jazoir Xalq Demokratik Respublikasi
28. Kabo-Verde Respublikasi
29. Kambodja Qirolligi
30. Kamerun Respublikasi
31. Kiribati Respublikasi
32. Ko‘p millatli Boliviya Davlati
33. Kolumbiya Respublikasi
34. Koreya Xalq Demokratik Respublikasi
35. Kosta-Rika Respublikasi
36. Kot-d’Ivuar Respublikasi
37. Kuba Respublikasi
38. Kuvayt Davlati
39. Laos Xalq Demokratik Respublikasi
40. Livan Respublikasi
41. Makedoniya Respublikasi
42. Maldiv Respublikasi
43. Marokash Qirolligi
44. Marshall Orollari Respublikasi
45. Mavrikiy Respublikasi
46. Meksika Qo‘shma Shtatlari
47. Mikroneziya Federativ Shtatlari
48. Misr Arab Respublikasi
49. Nauru Respublikasi
50. Nepal Federativ Demokratik Respublikasi
51. Nikaragua Respublikasi
52. Palau Respublikasi
53. Panama Respublikasi
54. Paragvay Respublikasi
55. Peru Respublikasi
56. Qatar Davlati
57. Samoa Mustaqil Davlati
58. Saudiya Arabistoni Qirolligi
59. Senegal Respublikasi
60. Sent-Kits va Nevis Federatsiyasi
61. Sent-Lyusiya
62. Sent-Vinsent va Grenadin
63. Seyshel Orollari Respublikasi
64. Solomon Orollari
65. Surinam Respublikasi
66. Tailand Qirolligi
67. Tonga Qirolligi
68. Trinidad va Tobago Respublikasi
69. Tunis Respublikasi
70. Urugvay Sharqiy Respublikasi
71. Vanuatu Respublikasi
72. Venesuela Bolivar Respublikasi
73. Vetnam Sotsialistik Respublikasi
74. Xitoy Xalq Respublikasi (jumladan Gonkong)
75. Yamayka
76. Shri-Lanka Demokratik Sotsialistik Respublikasi
77. O‘mon Sultonligi

Izoh: O‘zbekiston Respublikasi Tashqi ishlar vazirligi, zarur hollarda, ayrim davlat fuqarolari uchun 30 kungacha bo‘lgan muddatda elektron kirish vizalarini olish yuzasidan cheklovlar belgilash huquqiga ega.

2-ilova

O‘zbekiston Respublikasiga vizasiz tranzit kirish va 5 kungacha bo‘lish tartibi quyidagi davlatlar fuqarolari uchun joriy etilgan

1. Albaniya
2. Amerika Qo‘shma Shtatlari
3. Antigua va Barbuda
4. Bagama
5. Bahrayn
6. Barbados
7. Beliz
8. Butan
9. Dominika
10. Dominikan Respublikasi
11. Ekvador
12. Ekvatorial Gvineya
13. Fiji
14. Filippin
15. Gabon
16. Gayana
17. Gonduras
18. Grenada
19. Gvatemala
20. Hindiston
21. Janubiy Afrika Respublikasi
22. Jazoir
23. Kolumbiya
24. Kosta-Rika
25. Kuvayt
26. Livan
27. Makedoniya
28. Maldiv orollari
29. Marokash
30. Mavrikiy
31. Meksika
32. Nauru
33. Palau
34. Panama
35. Peru
36. Qatar
37. Sant-Kits va Nevis
38. Saudiya Arabistoni
39. Sent Lyusiya
40. Sent-Vinsent va Grenadina
41. Seyshel Orollari
42. Surinam
43. Tailand
44. Trinidad va Tobago
45. Tunis
46. Turkmaniston
47. Urugvay
48. Venesuela
49. Vetnam
50. Xitoy (jumladan Gonkong)
51. Yamayka
52. Shri-Lanka
53. O‘mon

T/r	Tur	Ta’rif
1.	D-1	Diplomatik kirish vizasi (doimiy akkreditatsiya qilinganlar uchun) O‘zbekiston Respublikasi Tashqi ishlar vazirligida akkreditatsiya qilingan xorijiy davlatlarning doimiy vakolatxonalari, xalqaro hukumatlararo tashkilotlar va xorijiy davlatlarning hukumat tashkilotlari vakolatxonalarining O‘zbekiston Respublikasi hududida doimiy turgan xodimlari va ularning qaramog‘ida bo‘lgan ularning oila a’zolariga (diplomatik pasportga ega bo‘lgan) akkreditatsiya muddatiga beriladi.
2.	D-2	Diplomatik kirish vizasi (vaqtincha turganlar uchun) O‘zbekiston Respublikasi Tashqi ishlar vazirligida akkreditatsiya qilingan xorijiy davlatlarning doimiy vakolatxonalari, xalqaro hukumatlararo tashkilotlar va xorijiy davlatlarning hukumat tashkilotlari vakolatxonalarining O‘zbekiston Respublikasi hududida vaqtincha turgan xodimlari va ularning qaramog‘ida bo‘lgan ularning oila a’zolariga (diplomatik pasportga ega bo‘lgan) 3 oygacha muddatga beriladi.
3.	DT	Diplomatik kirish vizasi (diplomatik pasport egalari uchun turistik) O‘zbekiston Respublikasiga turistik maqsadlarda kirayotgan xorijiy davlatlarning diplomatik xodimlari va xalqaro hukumatlararo tashkilotlar va xorijiy davlatlarning hukumat tashkilotlari vakolatxonalarining xodimlari va ularning qaramog‘ida bo‘lgan ularning oila a’zolariga (diplomatik pasportga ega bo‘lgan) 1 oygacha muddatga beriladi.
4.	S-1	Xizmat kirish vizasi (doimiy akkreditatsiya qilinganlar uchun) O‘zbekiston Respublikasi Tashqi ishlar vazirligida akkreditatsiya qilingan xorijiy davlatlarning vakolatxonalari, xalqaro hukumatlararo tashkilotlar va xorijiy davlatlarning hukumat tashkilotlari vakolatxonalarining O‘zbekiston Respublikasi hududida doimiy turgan xodimlari va ularning qaramog‘ida bo‘lgan ularning oila a’zolariga (diplomatik pasportga ega bo‘lmagan), shuningdek, O‘zbekiston Respublikasi Adliya vazirligida ro‘yxatdan o‘tkazilgan xalqaro va xorijiy nodavlat (hukumatga qarashli bo‘lmagan) notijorat tashkilotlarning vakolatxonalari va filiallarining O‘zbekiston Respublikasi hududida doimiy turgan xodimlariga va ularning qaramog‘ida bo‘lgan ularning oila a’zolariga akkreditatsiya muddatiga beriladi.
5.	S-2	Xizmat kirish vizasi (vaqtincha) O‘zbekiston Respublikasi Tashqi ishlar vazirligida akkreditatsiya qilingan xorijiy davlatlarning vakolatxonalari, xalqaro hukumatlararo tashkilotlar va xorijiy davlatlarning hukumat tashkilotlari vakolatxonalarining O‘zbekiston Respublikasi hududida vaqtincha turgan xodimlari va ularning qaramog‘ida bo‘lgan ularning oila a’zolariga (diplomatik pasportga ega bo‘lmagan), shuningdek, O‘zbekiston Respublikasi Adliya vazirligida ro‘yxatdan o‘tkazilgan xalqaro va xorijiy nodavlat (hukumatga qarashli bo‘lmagan) notijorat tashkilotlarning vakolatxonalari va filiallarining O‘zbekiston Respublikasi hududida vaqtincha turgan xodimlariga va ularning qaramog‘ida bo‘lgan ularning oila a’zolariga 3 oy muddatgacha beriladi.
6.	S-3	Xizmat kirish vizasi (O‘zbekiston Respublikasi davlat tashkilotlarining taklifi bo‘yicha ) O‘zbekiston Respublikasi davlat va xo‘jalik boshqaruvi organlari, qonunchilikda nazarda tutilgan, shuningdek, Prezident va Hukumat tashabbusi bilan tashkil etilgan nodavlat notijorat birlashmalar taklifi bo‘yicha O‘zbekiston Respublikasiga xizmat safariga keluvchi xorijiy fuqarolarga 1 yil muddatgacha beriladi.
7.	O	Rasmiy kirish vizasi (rasmiy va davlat tashriflari doirasida) O‘zbekiston Respublikasi Prezidenti, Oliy Majlis va Vazirlar Mahkamasining taklifi bo‘yicha O‘zbekiston Respublikasiga tashrif buyuruvchi rasmiy delegatsiya a’zolariga rasmiy tadbirlar o‘tkazish muddatiga beriladi.
8.	V-1	Ishbilarmonlik kirish vizasi (O‘zbekiston Respublikasining profil muassasalari va idoralarida akkreditatsiya qilinganlar uchun) O‘zbekiston Respublikasi hududidagi xorijiy tijorat tashkilotlari vakolatxonalari, shuningdek xorijiy banklar yoki boshqa moliyaviy tashkilotlar xodimlariga akkreditatsiya muddatiga beriladi.
9.	V-2	Ishbilarmonlik kirish vizasi (biznes viza) O‘zbekiston Respublikasida vaqtincha turgan ishbilarmonlik doiralari vakillariga 1 yil muddatgacha beriladi.
10.	T	Turistik kirish vizasi O‘zbekiston Respublikasiga turistik maqsadlarda tashrif buyurayotgan xorijiy fuqarolarga 1 oy muddatgacha beriladi.
11.	TG	Guruhli turistik kirish vizasi O‘zbekiston Respublikasiga kamida 5 kishidan iborat bo‘lgan turistik guruh tarkibida turistik maqsadlarda tashrif buyurayotgan xorijiy fuqarolarga 1 oy muddatgacha beriladi.
12.	PLG	Ziyorat kirish vizasi Turistik faoliyat sub’ektlari va O‘zbekiston Respublikasi Vazirlar Mahkamasi huzuridagi Din ishlari bo‘yicha qo‘mitaning so‘rovnomalari bo‘yicha O‘zbekistonning madaniy-tarixiy va diniy-ma’naviy merosi, an’analarini o‘rganish uchun xorijiy fuqarolarga 2 oy muddatgacha beriladi.
13.	Ye	Ishchi kirish vizasi (O‘zbekiston Respublikasi Bandlik va mehnat munosabatlari vazirligi huzuridagi Tashqi mehnat migratsiyasi agentligi litsenziyasi asosida) O‘zbekiston Respublikasi Bandlik va mehnat munosabatlari vazirligi huzuridagi Tashqi mehnat migratsiyasi tomonidan xorijiy fuqaroga berilgan mehnat faoliyati huquqi tasdiqlangan muddatga beriladi.
14.	J-1	Matbuot vakillari uchun kirish vizasi (O‘zbekiston Respublikasi Tashqi ishlar vazirligida doimiy akkreditatsiya qilingan) O‘zbekiston Respublikasi Tashqi ishlar vazirligida doimiy akkreditatsiya qilingan xorijiy ommaviy axborot vositalari vakillari va ularning qaramog‘ida bo‘lgan ularning oila a’zolariga akkreditatsiya muddatiga beriladi.
15.	J-2	Matbuot vakillari uchun kirish vizasi («Dunyo» AAda vaqtincha akkreditatsiya qilinganlar) O‘zbekiston Respublikasi Tashqi ishlar vazirligida vaqtincha akkreditatsiya qilingan xorijiy ommaviy axborot vositalari vakillariga akkreditatsiya muddatiga beriladi.
16.	PV-1	Mehmon kirish vizasi (O‘zbekiston Respublikasi Ichki ishlar vazirligining Migratsiya va fuqarolikni rasmiylashtirish bosh boshqarmasi orqali O‘zbekiston Respublikasi fuqarolarining taklifi bo‘yicha) O‘zbekiston Respublikasi fuqarolarining taklifi bo‘yicha mehmon safarini amalga oshiruvchi xorijiy fuqarolarga 1 yilgacha muddatga beriladi.
17.	PV-2	Mehmon kirish vizasi (xorijiy fuqarolarning taklifi bo‘yicha) O‘zbekiston Respublikasida doimiy akkreditatsiya qilingan va ro‘yxatdan o‘tkazilgan xorijiy fuqarolar taklifi bo‘yicha mehmon safarini amalga oshiruvchi xorijiy fuqarolarga 1 yilgacha muddatga beriladi.
18.	VTD	Vatandoshlar uchun kirish vizasi (O‘zbekiston Respublikasi Ichki ishlar vazirligining Migratsiya va fuqarolikni rasmiylashtirish bosh boshqarmasi orqali O‘zbekiston Respublikasi fuqarolarining taklifi bo‘yicha) O‘zbekiston Respublikasida tug‘ilganlar va ularning oila a’zolari uchun O‘zbekiston Respublikasi fuqarosi bo‘lgan va uning hududida doimiy yashovchi ularning qarindoshlari tomonidan taklifnoma mavjud bo‘lganda 2 yilgacha muddatga beriladi.
19.	STD	Talabalar kirish vizasi (oliy ta’lim muassasalararo almashish asosida — vaqtincha ta’lim olish davriga) O‘zbekiston Respublikasi hududida joylashgan oliy ta’lim muassasalarida qisqa muddatda (oliy ta’lim muassasalararo almashishga binoan yoki oliy ta’lim muassasalararo o‘zaro aloqalar doirasida vaqtincha asosda) ta’lim oluvchi xorijiy talabalarga 1 yilgacha muddatga beriladi, o‘z tasarrufida ta’lim muassasasiga ega bo‘lgan O‘zbekiston Respublikasining ta’lim muassasalari, vazirliklar, idoralar va tashkilotlar iltimosnomalariga ko‘ra rasmiylashtiriladi.
20.	A-1	O‘quv kirish vizasi (doimiy asosda — ta’lim davriga) O‘zbekiston Respublikasi hududida joylashgan ta’lim muassasalarida ta’lim oluvchi xorijiy talabalarga 1 yilgacha muddatga beriladi, o‘z tasarrufida ta’lim muassasasiga ega bo‘lgan O‘zbekiston Respublikasining ta’lim muassasalari, vazirliklar, idoralar va tashkilotlar iltimosnomalariga ko‘ra rasmiylashtiriladi.
21.	A-2	O‘qituvchilar kirish vizasi (O‘zbekiston Respublikasi hududida doimiy asosda ishga joylashishda) O‘zbekiston Respublikasi Xalq ta’limi vazirligi va Oliy va o‘rta maxsus ta’lim vazirligi tizimi o‘quv muassasalarining professor-o‘qituvchilar tarkibi, shuningdek, O‘zbekiston Respublikasi hududidagi xorijiy o‘quv muasasalari filiallarining professor-o‘qituvchilar tarkibiga — xorijiy fuqarolarga 1 yilgacha muddatga beriladi. O‘z tasarrufida ta’lim muassasasiga ega bo‘lgan O‘zbekiston Respublikasining ta’lim muassasalari, vazirliklar, idoralar va tashkilotlar iltimosnomalariga ko‘ra rasmiylashtiriladi.
22.	A-3	Akademik kirish vizasi (vaqtincha asosda) O‘zbekiston Respublikasida ilmiy-tadqiqot (dissertatsiyalar, ilmiy ishlar uchun materiallar to‘plash) va o‘qituvchilik faoliyatini (qisqa muddatli sayyor ma’ruzalar) yuritishni xohlaydigan xorijiy shaxslar uchun 3 oydan 2 yilgacha muddatga beriladi, O‘zbekiston Respublikasi Fanlar akademiyasi, ilmiy-tadqiqot tashkilotlari, O‘zbekiston Respublikasi oliy ta’lim muassasalari, vazirliklar yoki idoralar iltimosnomalariga ko‘ra rasmiylashtiriladi.
23.	MED	Tibbiy kirish vizasi Davolash-profilaktika muassasalari taklifi bo‘yicha O‘zbekiston Respublikasiga davolanish uchun keladigan xorijiy fuqarolar uchun 3 oygacha muddatga beriladi.
24.	S-1	Ekipaj uchun kirish vizasi Havo kemalari va temir yo‘l tarkiblari ekipajlarining xorijiy a’zolariga 1 yilgacha muddatga beriladi.
25.	S-2	Haydovchilar uchun kirish vizasi Yuk tashuvchi avtotransport vositalarining xorijiy haydovchilariga 1 yilgacha muddatga beriladi.
26.	EXIT	Chiqish vizasi Xorijiy fuqarolar tomonidan kirish vizalarining muddati kechiktirilgan hollarda ularning O‘zbekiston Respublikasidan chiqishi uchun 1 oygacha muddatga beriladi.
27.	TRAN	Tranzit vizasi O‘zbekiston Respublikasi hududi orqali tranzit bilan o‘tuvchi xorijiy fuqarolarga 3 kungacha muddatga beriladi.
28.	INV	Ko‘p martalik investitsiya vizasi Xorijiy investitsiyalarni kiritish paytida O‘zbekiston Respublikasida belgilangan 8500-martali bazaviy to‘lov kattaligidan kam bo‘lmagan miqdorda xo‘jalik uyushmalarining aksiyalari va ulushlarini olish, shuningdek xorijiy investitsiyalar ishtirokida bo‘lgan korxonalarni tashkil etish maqsadida O‘zbekiston Respublikasi iqtisodiyotiga investitsiya kiritayotgan, O‘zbekiston Respublikasi hududidan chiqmasdan uning muddatini uzaytirish imkoniyati bilan ushbu korxonalarning so‘rovnomalari bo‘yicha beriladi, xorijiy fuqarolar va fuqaroligi bo‘lmagan shaxslarga rasmiylashtiriladi, 3 yilgacha amal qilish muddati bilan beriladi. Bunda, investorning oila a’zolari (turmush o‘rtog‘i, ota-onasi va farzandlari)ga «Investment visa» amal qilish muddatiga mos ravishda mehmon vizasi respublikadan chiqmasdan turib uzaytirish huquqi bilan rasmiylashtirib beriladi.

меню