• русский (Russian)
  • پارسی (Persian)
  • English (English)
MANZIL VA QABUL VAQTLARI

Address: Tehron sh. Pasdaran, Aqdasieh hiyoboni, Parke Chaharom ko'chasi 10 uy

Telefon: (+98 21) 22291519

Faks: (+98 21) 22299158

Email: uzembirir@mail.ru

Konsullik bo’limning qabul vaqtlari: Yakshanba - Payshanba 9:00 – 11:00

Konsullik muassasasiga murojaat qilganingizda Siz bilan tezkor ravishda bog’lanish maqsadida telefon raqamingizni qoldirishingizni tavsiya etamiz!

Doimiy konsullik ro’yxati

Doimiy konsullik hisobiga turish uchun vakolatxona konsullik bo`limiga quyidagi hujjatlarni taqdim etish kerak:

  • O`zbekiston Respublikasi fuqarosining pasporti asl nusxasi + pasport nusxasi (O`zbekiston Respublikasida ro`yxatga olinganlik to`g`risidagi axborot bilan);
  • O`zbekiston Respublikasidan doimiy yashshga jo`nab ketish manzil varaqasi va nusxasi (faqat Mustaqil Davlatlar Hamdo`stligi davlatlariga doimiy yashashga ketgan fuqarolar uchun);
  • doimiy turar joyi mamlakati hududida yashash yoki ro`yxatga olingan joyidan ma’lumotnoma;
  • 3×4 sm o`lchamli fotosurat – 1 dona;
  • konsullik hisobiga olish uchun konsullik yig`imi;
  • elektron tarzda to`ldirilgan konsullik hisobiga olish varag`i.
Doimiy yashashga chiqish

Xorijga doimiy yashashga chiqish yozuvini rasmiylashtirish uchun ariyachi shaxsanquyidagi hujjatlar to`plamini 3 nusxada (aloxida papkada) topshiradi:

  • Ariza beruvchining yashab turgan davlatda doimiy yashashiga mahalliy hukumatning rasmiy roziligi, ushbu rozilik belgilangan tartibda legallashtirilgan bo`lishi lozim;
  • Xorijda doimiy yashashning sabablarini bayon qilgan holda ixtiyoriy shaklda qo`lda yozilgan DYa uchun ariza. Ushbu ariza ariza beruvchi shaxs tomonidan imzolangan, to`ldirish sanasi ko`rsatilgan, hamda konsul tomonidan tasdiqlangan bo`lishi lozim;
  • Qo`lda to`ldirilgan va konsul tomonidan tasdiqlangan “Ariza-anketa” (30-Forma);
  • O`zbekiston Respublikasi fuqarosi pasportining barcha betlarining, hamda tug`ilganlik haqidagi guvohnomaning kseronusxasi, konsul tomonidan tasdiqlangan bo`lishi lozim;
  • Tarjimai xol (batafsil, bo’yamasdan);
  • Germaniya yoki Lixtenshteynda qonuniy yashash xaqida hujjat;
  • O`zbekiston Respublikasi hududida doimiy yashaydigan o`z ota-onasining va turmush o`rtog`ining (birgalikda chiqish holatlari bundan mustasno), shuningdek agar birgalikdagi nikohdan bolalar bo`lsa, O`zbekiston Respublikasida doimiy yashaydigan sobiq turmush o`rtog`ining ham notarial tasdiqlangan roziliklari, ular vafot etgan, bedarak yuqolgan hollarda esa vafot etganlik haqidagi guvohnomaning yoki sudning shaxsni bedarak yo`qolgan deb e’tirof etish haqidagi qarorining notarial tasdiqlangan nusxasi;
  • 14 dan 18 yoshgacha bo`lgan shaxslarning xorijda ota-onasi bilan yoki ularning biri bilan birga doimiy yashashga roziligi, konsul tomonidan tasdiqlangan bo`lishi lozim;
  • 150 AQSh doll. miqdorida konsullik yig`imi to`langanligi to`g`risidagi kvitansiya nusxasi.
  • 6 dona 3,5×4,5 o`lchamdagi fotosurat.
O`zbekiston fuqaroligidan chiqish

Xorijga doimiy yashashga chiqish yozuvini rasmiylashtirish uchun ariyachi shaxsanquyidagi hujjatlar to`plamini 3 nusxada (aloxida papkada) topshiradi:

  • Ariza beruvchi O`zbekiston Respublikasi Prezidenti nomiga O`zbekiston Respublikasi fuqaroligidan chiqish to`g`risidаgi 2 nusxadagi xujjatlar to’plami (aloxida papkada) arizachi tomonidan shaxsan Bosh konsulxonaga taqdim qilinadi. Ariza (namuna) chiqish asoslarini bayon qilgan holda bir tusdagi siyohli yoki sharikli ruchkada qo`lda yoziladi.
  • Arizaning barcha nusxalari ariza beruvchi tomonidan imzolangan, to`ldirish sanasi ko`rsatilgan hamda konsul tomonidan tasdiqlangan bo`lishi lozim. Unda hech qanday o`chirishlar va tuzatishlar bo`lmasligi lozim;
  • 18 yoshga yetmagan shaxsning O`zbekiston Respublikasi fuqaroligidan chiqish to`g`risidagi arizasi uning ota-onasi tomonidan bolaning tug`ilganligi to`g`risidagi guvohnomasi yoki pasporti nusxasi bilan birgalikda beriladi. Ushbu masala ariza-anketaning tegishli katagida aks ettiriladi;
  • 14 dan 18 yoshgacha bo`lgan voyaga yetmagan shaxslar ota-onaning arizasiga O`zbekiston Respublikasi fuqaroligidan chiqishga konsul tomonidan tasdiqlangan o`z roziligini ilova qilishi lozim. Bunda barcha nusxalar to`ldirish sanasi ko`rsatilgan holda imzolangan, hamda konsul tomonidan tasdiqlangan bo`lishi lozim. Ularda hech qanday o`chirishlar va tuzatishlar bo`lmasligi lozim;
  • Agar ota-onaning ikkalasi ham O`zbekiston Respublikasi fuqarosi bo`lsa va ularning biri bir vaqtning o`zida voyaga yetmagan farzandning O`zbekiston Respublikasi fuqaroligidan chiqishi to`g`risida iltimosnoma kiritib, O`zbekiston Respublikasi fuqaroligidan chiqayotgan bo`lsa, bunda ikkinchisining konsul tomonidan tasdiqlangan yoki notarial tasdiqlangan yozma arizasi taqdim qilinadi, unda bolaning O`zbekiston Respublikasi fuqaroligidan chiqishiga munosabati aks ettirilishi lozim;
  • Taqdim qilinayotgan hujjatlarning (milliy pasport, tug`ilganlik haqida, ota yoki onaning yohud turmush o`rtog`ining birining o`limi haqida, farzandlikka olish haqida guvohnomalar, ota-onalik huquqidan mahrum qilish, alimentlar to`lash to`g`risidagi qarorlar, mehnat daftarchasi) nusxalari asl nusxalari bilan taqqoslanadi va konsul tomonidan tasdiqlanadi;
  • Avtobiografiya (namuna) ariza beruvchi tomonidan o`chirishlar, o`zgartirishlar va chizilishlarsiz, bir tusdagi siyohli yoki sharikli ruchkada qo`lda shaxsan to`ldirilgan bo`lishi lozim. Ariza beruvchining maktabda o`qishi paytidan boshlab hozirgi kungacha bo`lgan barcha biografik ma’lumotlari xronologik tartibda bayon qilinadi. Avtobiografiyaning barcha nusxalari to`ldirish sanasi ko`rsatilgan holda ariza beruvchi tomonidan imzolangan hamda konsul tomonidan tasdiqlangan bo`lishi lozim;
  • Ariza beruvchini belgilovchi ma’lumotlar ariza-anketada , 35 mm x 45 mm o`lchamdagi 4 ta fotosurat ilova qilgan holda bayon etiladi. Bunda anketaning barcha bandlari toza ravishda, o`chirishlar, o`zgartirishlar va chizilishlarsiz, bir tusdagi siyohli yoki sharikli ruchkada qo`lda to`ldirilgan bo`lishi lozim. Anketaning barcha nusxalari to`ldirish sanasi ko`rsatilgan holda ariza beruvchi tomonidan imzolangan, hamda konsul tomonidan tasdiqlangan bo`lishi lozim;
  • Fuqaroning maykur davlatda qonuniz zashashi uchun berilga kartochkasi zoki boshqa hujjati nusxasi (Aufenthaltstitel, Niederlassungserlaubnis);
  • 120 evro konsullik boji to’lovi kvitansiyasi (Bosh konsulxonada EC-karta yordamida to’lash imkoniyati bor);
  • Turmush o’rtog’i pasporti nusxasi va agarda u O’zbekisto fuqarosi bo’lsa yozma roziligi (notarial tasdiqlangan).

**Barcha chet tillaridagi hujjatlar o’zbek yoki rus tiliga rasmiz tarjima qilingan bo’lishi lozim!

Pasport masalasi

O`zbekiston Respublikasi Prezidentining 2009-yil 23 iyundagi “O`zbekiston Respublikasida pasport tizimini yanada takomillashtirish chora-tadbirlari to`g`risida”gi PF-4117-sonli Farmoniga ko`ra 2011-yil 1 yanvardan e’tiboran O`zbekistonda O`zbekiston Respublikasi fuqarosining biometrik pasporti amalga kiritilgan.

O`zbekiston Respublikasining biometrik pasporti O`zbekiston Respublikasi hududida va uning tashqarisida pasport egasining shaxsi va fuqaroligini tasdiqlovchi hujjatdir.

Xalqaro fuqaro aviatsiyasi tashkilotining (ICAO) tavsiyalariga ko`ra O`zbekiston Respublikasining biometrik pasporti quyidagi amal qilish muddatlariga rasmiylashtiriladi:

  • bir yoshgacha bo`lgan fuqarolarga – 2 yil muddatga;
  • bir yoshdan o`n olti yoshgacha – besh yil muddatga. Shu bilan birga, fuqaroga rasmiylashtiriladigan pasportning amal qilish muddati uning 16 yoshidan oshmasligi kerak;
  • 16 yoshdan fuqarolarga pasport 10 yil muddatga beriladi.

Alohida holatlarda agar shaxs Respublika hududidan tashqariga chiqayotgan vaqtda 15 yoshdan oshgan bo`lsa, mazkur 16 yoshga to`lmagan shaxsga pasport 10 yil muddatga berilishi mumkin.

Pasport Xalqaro fuqaro aviatsiyasi tashkiloti (ICAO) tavsiyalariga ko`ra belgilangan namunada biometrik ma’lumotlar bilan tayyorlanadi va latin harflari yordamida o`zbek va ingliz tilida, Qoraqalpog`iston Respublikasi uchun esa qoraqalpoq, o`zbek va ingliz tillarida personallashtiriladi. Asosiy ma’lumotlardan tashqari pasportga bir qator qo`shimcha ma’lumotlar kiritiladi. Ulardan asosiylari – harbiy majburiyat to`g`risidagi, nikoh tuzilganligi yoki bekor qilinganligi haqidagi, ro`yxatdan o`tish yoki ro`yxatdan chiqqanlik to`g`risidagi, chet elga chiqish ruxsat yozuvi va O`zbekiston Respublikasi davlat chegaralarini kesib o`tganlik to`g`risidagi belgilardir. Vizalar uchun ajratilgan betlarni ko`paytirish hisobiga pasport varaqlari soni ko`paytirildi. Bundan tashqari, yangi tipdagi pasportga fotosurat chop etish yo`li orqali kiritiladi, bu esa hujjatning ehtimoliy qalbakilashtirilishidan himoyalanganlik darajasini oshiradi.

O`zbekiston Respublikasining chet eldagi vakolatxonalarida quyidagi fuqarolar biometrik pasport olishlari mumkin:

  • Doimiy yashash uchun chet elga chiqqan va O`zbekiston Respublikasining xorijdagi vakolatxonalarida doimiy konsullik ro`yxatida turuvchi fuqarolar;
  • Chet elga olti oydan uzoq muddatga va O`zbekiston Respublikasining xorijdagi vakolatxonalarida vaqtincha konsullik ro`yxatida turuvchi quyidagi fuqarolar:
  • 1. xizmat safariga,
  • 2. o`qishga,
  • 3. shartnoma bo`yicha ishlashga,
  • 4. davolanishga chiqqan.

Pasport rasmiylashtirish va berish quyidagi hollarda amalga oshiriladi:

  • biometrik bo`lmagan pasportni biometrik pasportga almashtirishda;
  • shaxs 16 yoshga to`lganda;
  • pasportning amal qilish muddati tugaganida;
  • pasport yo`qotib qo`yilganida;
  • ro`yxatga olish (ro`yxatdan chiqish), alohida ma’lumotlar yoki vizalar uchun ajratilgan betlar ishlatib bo`linganda;
  • pasport blankasi yaroqsiz holga kelganda;
  • farzand xorijda tug`ilganida;
  • familiyasi, ismi, otasining ismi, millati, tug`ilgan sanasi o`zgarganida;
  • 16 yoshga to`lmagan shaxs O`zbekiston Respublikasidan tashqariga chiqayotganida;
  • yozuvlarda noaniqlik va xatolar aniqlanganida;
  • O`zbekiston Respublikasi fuqaroligi olinganida.

Doimiy yoki vaqtincha konsullik ro`yxatiga ega bo`lgan fuqarolar konsullik muassasasiga pasport rasmiylashtirish uchun quyidagi hujjatlarni taqdim etadilar:

a) doimiy konsullik ro`yxatiga olingan fuqarolar uchun:

  • belgilangan shakldagi pasport rasmiylashtirish to`g`risidagi ariza (Bosh konsulxonada olish mumkin);
  • ilgari berilgan pasport va uning nusxasi;
  • tugilganlik xaqida guvohnoma nusxasi;
  • nikoh/ajrashganlik xaqida guvohnoma nusxasi;
  • fuqaro xorijiy davlat hududida mazkur davlat qonunlariga muvofiq yashayotganligini tasdiqlovchi hujjat (viza, doimiy yashash uchun ruxsatnoma, vaqtincha yashash ruxsatnomasi, pasportdagi tegishli yozuv, ma’lumotnoma va h.k.);
  • konsullik yig`imi va xizmat xarajatlarining to`langanligi haqida kvitansiya 90 evro miqdorida.

b) Ota-onalari bilan birgalikda voyaga yetmagan fuqarolar uchun:

  • belgilangan shakldagi pasport berish to`g`risida ariza;
  • pasport (mavjud hollarda) va uning nusxasi;
  • tug`ilganlik haqidagi guvohnomaning asli va nusxasi;
  • 35 x 45 mm o`lchamdagi fotosurat (1 dona);
  • ota-onasi pasportlarining asli va ularning nusxalari – birinchi marta pasport rasmiylashtirish uchun. Ota-onasidan birining pasportini taqdim etish imkoni bo`lmagan hollarda, ushbu holatni izohlovchi hujjat taqdim qilinadi, jumladan, o`lim haqida guvohnoma, nikoh bekor qilinganligi haqida guvohnoma yoki nikoh bekor qilinganligi haqida sud qaroridan ko`chirma (nusxasi) yohud nikohning haqiqiy emas deb tan olinganligi to`g`risidagi sud qaroridan ko`chirma (nusxasi), vakolatli idoralarning pasport oluvchining ota-onasidan birining bedarak yo`qolganligi yoki vafot etganligini tan olish to`g`risidagi ma’lumotnomasi, farzandni yolg`iz ota yoki ona tomonidan tarbiyalanganligini tasdiqlovchi hujjat yoki xorijiy davlat qonunchiligida ko`rsatilgan ushbu mazmunga teng hujjat;
  • fuqaro xorijiy davlat hududida mazkur davlat qonunlariga muvofiq yashayotganligini tasdiqlovchi hujjat (viza, doimiy yashash uchun ruxsatnoma, vaqtincha yashash ruxsatnomasi, pasportdagi tegishli yozuv, ma’lumotnoma va h.k.);
  • ota-onasidan biri xorijiy davlat fuqarosi bo`lsa, uning farzandini O`zbekiston Respublikasi fuqarosi pasportini olishiga e’tirozi yo`qligi haqida notarial tasdiqlangan arizasi;
  • konsullik yig`imi va xizmat xarajatlarining to`langanligi haqida kvitansiya.

Agar ota-ona turli millatga mansub bo`lishsa, “millati” bandiga arizachi xohishiga qarab otasi yoki onasining millatini ko`rsatadi. Konsullik muassasasi mansabdor shaxsi arizachining ota-onasi F.I.SH. va millatini arizachining tug`ilganlik haqidagi guvohnomasi bilan solishtiradi.

c) vaqtincha konsullik ro`yxatiga olingan fuqarolar uchun:

  • belgilangan shakldagi pasport rasmiylashtirish to`g`risidagi ariza;
  • tashkilot yoki muassasa orqali chet elga chiqqan hollarda mazkur tashkilot yoki muassasaning belgilangan tartibdagi so`rovnomasi;
  • pasportning asli va nusxasi;
  • tugilganlik xaqida guvohnoma nusxasi;
  • nikoh/ajrashganlik xaqida guvohnoma nusxasi;
  • 35 x 45 mm o`lchamdagi fotosurat (1 dona);
  • ta’lim muassasidan (ta’lim olish muddati ko`rsatilgan va tarjima qilingan, OTM rahbariyati tomonidan imzolangan va muxr bosilgan holda) yoki ish joyidan (shartnoma tarjima qilingan holda) ma’lumotnoma;
  • fuqaroning xorijiy davlat hududida qonuniy yashayotganini tasdiqlovchi hujjat (viza, ma’lumotnoma, migratsion karta MDH mamlakatlari uchun va h.k.);
  • konsullik yig`imi va xizmat xarajatlarining to`langanligi haqida kvitansiya 70 evro miqdorida.
MUXIM

Mazkur toifadagi fuqarolarga pasport chet elga qonuniy tarzda olti oydan ortiq muddatga xizmat safariga, o`qish, davolanish va shartnoma bo`yicha ishlashga chiqqan va xorijga vaqtincha chiqishlarini belgilangan tartibda rasmiylashtirgan taqdirda beriladi.

Vaqtinchalik konsullik ro`yxatiga olinmagan vaqtincha xorijda bo`lgan fuqarolar pasport rasmiylashtirish yoki olish zarurati bo`lgan hollarda (pasportini yo`qotgan, amal qilish muddatini o`tkazib yuborgan yoki yaroqsiz holga keltirilgan taqdirda) tegishli konsullik muassasasiga O`zbekiston Respublikasiga qaytish guvohnomasini (Sertifikat) olish uchun murojaat etadilar va pasportlarini o’zlari doimiy ro’yxatda bo’lgan joy IIV idoralarida olishlari mumkin.

IZOH:

  • bir yoshgacha bo`lgan fuqarolarga – 2 yil muddatga;
  • bir yoshdan o`n olti yoshgacha – besh yil muddatga. Shu bilan birga, fuqaroga rasmiylashtiriladigan pasportning amal qilish muddati uning 16 yoshidan oshmasligi kerak;
  • 16 yoshdan fuqarolarga pasport 10 yil muddatga beriladi.

Alohida holatlarda agar shaxs Respublika hududidan tashqariga chiqayotgan vaqtda 15 yoshdan oshgan bo`lsa, mazkur 16 yoshga to`lmagan shaxsga pasport 10 yil muddatga berilishi mumkin.

Pasport Xalqaro fuqaro aviatsiyasi tashkiloti (ICAO) tavsiyalariga ko`ra belgilangan namunada biometrik ma’lumotlar bilan tayyorlanadi va latin harflari yordamida o`zbek va ingliz tilida, Qoraqalpog`iston Respublikasi uchun esa qoraqalpoq, o`zbek va ingliz tillarida personallashtiriladi. Asosiy ma’lumotlardan tashqari pasportga bir qator qo`shimcha ma’lumotlar kiritiladi. Ulardan asosiylari – harbiy majburiyat to`g`risidagi, nikoh tuzilganligi yoki bekor qilinganligi haqidagi, ro`yxatdan o`tish yoki ro`yxatdan chiqqanlik to`g`risidagi, chet elga chiqish ruxsat yozuvi va O`zbekiston Respublikasi davlat chegaralarini kesib o`tganlik to`g`risidagi belgilardir. Vizalar uchun ajratilgan betlarni ko`paytirish hisobiga pasport varaqlari soni ko`paytirildi. Bundan tashqari, yangi tipdagi pasportga fotosurat chop etish yo`li orqali kiritiladi, bu esa hujjatning ehtimoliy qalbakilashtirilishidan himoyalanganlik darajasini oshiradi.

O`zbekiston Respublikasining chet eldagi vakolatxonalarida quyidagi fuqarolar biometrik pasport olishlari mumkin:

  • 1) barcha xorijiy tillardagi hujjatlar tarjima qilingan xolda bo’lishi lozim;
  • 2) to’lovlarni Bosh konsulxonada amalga oshirish mumkin;
  • 3) O`zbekiston Respublikasi qonunchiligiga ko`ra chet elda bo`lib turuvchi fuqarolarning barchasi ham O`zbekiston Respublikasining chet eldagi vakolatxonalarida biometrik pasport rasmiylashtiriladigan shaxslar toifasiga kirmasligini e’tiborga olgan holda, Respublikaning vakolatli idoralari qarori bilan O`zbekiston Respublikasining biometrik bo`lmagan pasporti uning egasi tomonidan agar pasportning amal qilish muddati tugamagan bo`lsa 2018-yil 1-iyulga qadar faqat O`zbekistonga qaytish hujjati sifatida, shu jumladan uchunchi davlatlar orqali tranzit o`tish uchun ham, ishlatilishi mumkinligi belgilandi.
O`zbekistondan hujjatlatlarni so’rab olish

O`zbekiston Respublikasidan hujjatlarni so`rab olish uchun O`zbekiston Respublikasi fuqarolari, xorijiy fuqarolar va fuqarolikka ega bo`lmagan shaxslar bevosita O`zbekiston Respublikasi arxiv muassasalariga ham, shuningdek O`zbekiston Respublikasining xorijdagi diplomatik vakolatxonalariga va konsullik muassasalariga ham murojaat etishlari mumkin.

O`zbekiston Respublikasining xorijdagi diplomatik vakolatxonasiga yoki konsullik muassasasiga murojaat etuvchi shaxs har bir so`rab olinayotgan hujjat uchun alohida belgilangan shakldagi maxsus anketani ikki nusxada to`ldirishi, shuningdek konsullik yig`imini, hamda amaldagi xarajatlarni qoplash yig`imini to`lashi shart.

Mehnat va pensiya daftarchalari, harbiy biletlarning asl nusxalarini so`rab olish, jo`natib yuborish yoki xorijga chaqirtirib olishga yo`l qo`yilmaydi.

Shuningdek, agar nikoh bekor qilingan bo`lsa, nikohdan o`tganlik to`g`risidagi guvohnomani, shuningdek vafot etgan shaxsning tug`ilganlik to`g`risidagi guvohnomasini qaytadan so`rab olinishi mumkin emas. Voyaga yetmagan shaxslarning tug`ilganlik to`g`risidagi guvohnomalari ularning qonuniy vakillari tomonidan so`rab olinishi mumkin. Vafot etganlik to`g`risidagi guvohnomalar vafot etgan shaxsning qarindoshlari yoki yuridik shaxslar tomonidan rasmiy maqsadlar uchun so`rab olinishi mumkin.

Amaliyotning ko`rsatishicha, ma`lumot to`g`risidagi hujjatlarni (attestatlar, diplomlar va ulardan ko`chirmalarni) O`zbekiston Respublikasidan so`rab olishda manfaatdor shaxslarning bevosita o`quv muassasasiga murojaat etishi bir muncha samarali natija beradi. Buning uchun shaxsiy ishni arxivlardan izlab topish, hujjatning dublikatini tayyorlash, shahodatlash va arizachiga jo`natib yuborish bilan bog`liq barcha xarajatlarning qoplanishi shart bo`ladi.

Har bir hujjat uchun arizachining pasporti nusxasini taqdim qilgan holda ikki nusxada to`ldiriladi.

Savollarga javoblar to`liq va aniq bo`lishi kerak.

O’ZBEKISTON RESPUBLIKASI VIZASI

O’zbekiston Respublikasi qonunchiligiga muvofiq chet el fuqarolari va fuqaroligi bo’lmagan shaxslar faqat viza asosida O’zbekiston hududiga kirishlari va uning hududi orqali tranzit o’tishlari mumkin.

Chet el fuqarolari va fuqaroligi bo’lmagan shaxslarga vizalar O’zbekiston Respublikasining xorijdagi diplomatik vakolatxonalari va konsullik muassasalarida viza talabnomasi (O’zbekiston Respublikasi Tashqi ishlar vazirligi tasdig’i) asosida beriladi.

Viza talabnomasi O’zbekiston hududida doimiy yoki vaqtincha joylashgan yuridik va jismoniy shaxslarning O’zbekiston Respublikasi Tashqi ishlar vazirligiga yozma iltimosnomasi asosida rasmiylashtiriladi.

Yuridik shaxslar quyidagi hujjatlarni taqdim etadilar:

  • Tashkilotning rasmiy blankida to’ldirilgan, o’rnatilgan namunadagi Viza talabnomasi;
  • evisa.mfa.uz saytidan olingan elektron anketa;
  • Taklif qilinayotgan shaxsning, tashkilot rahbarining va tashkilotning hujjatlarini topshirishga vakolatli xodimining pasportlari nusxalari;
  • Tashkilotning rasmiy hujjatlari nusxalari (litsenziya, sertifikat, guvohnoma va hk.)
  • Tashkilot rahbari va vakolatli xodimining ishga joylashish to’g’risidagi buyruqlari nusxalari;
  • Tashkilotning vakolatli xodimi nomiga berilgan ishonchnoma nusxasi;
  • Viza Toshkent shahrining aeroportida olinishi mo’ljallangan holatlarda - aviachipta yoki bron nusxalari.

Jismoniy shaxslar quyidagi hujjatlarni taqdim etadilar:

  • O’rnatilgan namunadagi Viza talabnomasi;
  • evisa.mfa.uz saytidan olingan elektron anketa;
  • Taklif qilinayotgan va taklif qilayotgan shaxslarning pasportlari nusxalari;
  • Ichki ishlar organlari tomonidan olingan taklifnoma ruxsatining asli;
  • Qarindoshlik aloqalarini tasdiqlovchi hujjatlar nusxalari (agar bo’lsa);
  • Viza Toshkent shahrining aeroportida olinishi mo’ljallangan holatlarda - aviachipta yoki bron nusxalari.

Yuridik va jismoniy shaxslarning o’rnatilgan tartibda O’zbekiston Respublikasi Tashqi ishlar vazirligiga taqdim qilingan yozma iltimosnomalari 10 ish kuni davomida ko’rib chiqiladi.

Chet el fuqarolari va fuqaroligi bo’lmagan shaxslar viza olish uchun O’zbekiston Respublikasining xorijdagi diplomatik vakolatxonalari va konsullik muassasalariga quyidagi hujjatlarni taqdim etishlari lozim:
pasport yoki fuqaroligi bo’lmagan shaxs hujjati (ushbu hujjatlarning amal qilish muddati viza muddatidan kamida 3 oydan ko’p bo’lishi lozim);
2 nusxada to’liq to’ldirilgan viza talabnomasi;
2 ta rangli fotosur’at (pasport o’lchamida).

Chet el fuqarolari va fuqaroligi bo’lmagan shaxslar tranzit viza olishlari uchun yuqorida ko’rsatilgan hujjatlardan tashqari ketayotgan davlatning vizasi va O’zbekistondan chiqib ketish sanasi tasdiqlangan yo’l hujjatlariga ega bo’lishlari lozim. Ushbu holda viza talabnomasini ko’rib chiqish muddati 3 kunni tashkil etadi.

O’zbekiston Respublikasining diplomatik muassasasi yoki konsullik vakolatxonasi bo’lmagan davlat fuqarolari va fuqaroligi bo’lmagan shaxslar vizani O’zbekistonga kelib, Tashqi ishlar vazirligining «Toshkent» xalqaro aeroportidagi viza bilan ta’minlash sektoridan olishlari mumkin. Buning uchun O’zbekiston hududidagi taklif qiluvchi jismoniy yoki yuridik shaxs o’rnatilgan tartibda oldindan O’zbekiston Respublikasi Tashqi ishlar vazirligiga murojaat qilishi, Konsullik boshqarmasining Viza bilan ta’minlash bo’limidan tegishli tasdiq (shtamp) olishi va uni taklif qilinuvchi shaxsga yuborishi lozim. Mazkur tasdiq taklif qilinuvchi shaxs tomonidan aviachipta xarid qilish va o’z davlatidagi pasport tekshiruvidan o’tish paytida taqdim etiladi va ushbu hujjat asosida Tashqi ishlar vazirligining «Toshkent» xalqaro aeroportidagi viza bilan ta’minlash sektorida unga viza rasmiylashtiriladi.

O’zbekiston Respublikasi qonunchiligiga muvofiq vizalarni rasmiylashtirish va berish uchun quyidagi konsullik yig’imlari o’rnatilgan:

a) Bir martalik vizalar uchun:
7 kungacha — 40 AQSh dollari;
15 kungacha — 50 AQSh dollari;
30 kungacha — 60 AQSh dollari;
3 oygacha — 80 AQSh dollari;
6 oygacha- 120 AQSh dollari;
1 yilgacha — 160 AQSh dollari.
Izoh: har bir qo’shimcha kirishlar soni uchun tariflar stavkasi 10 AQSh dollariga oshiriladi.

b) Ko’p martalik vizalar uchun:
6 oygacha- 150 AQSh dollari;
1 yilgacha — 250 AQSh dollari.

c) Tranzit vizalar uchun:
72 soatgacha — 40 AQSh dollari;
ikki martalik tranzit viza uchun — 50 AQSh dollari.

d) Guruh vizalari uchun (guruhda 16 yoshgacha bo’lgan bolalardan tashqari kamida 10 kishi bo’lishi lozim):
15 kungacha — 15 AQSh dollari (har bir kishi uchun);
30 kungacha — 25 AQSh dollari (har bir kishi uchun).

Bundan tashqari viza berish paytida viza rasmiylashtirish bilan bog’liq bo’lgan haqiqiy harajatlarni qoplash uchun yig’imlar undiriladi. Bunday yig’imlarning miqdori viza rasmiylashtirilayotgan joyga bog’liqdir (murojaat qilayotgan shaxsning fuqaroligidan qat’iy nazar).

Izoh: O’zbekiston Respubliksai bilan tegishli ikki tomonlama shartnoma va kelishuvlar tuzgan davlat fuqarolariga nisbatan O’zbekistonga kirish vizasini rasmiylashtirishning boshqacha tartibi joriy qilingan bo’lishi mumkin.

BAZI BIR DAVLATLAR BILAN VIZA TARTIBI

1. Qirg’ziston (60 kungacha), Armaniston, Belarus, Gruziya, Moldova, Ozarbayjon, Qozog’iston, Rossiya va Ukraina bilan ikki tomonlama vizasiz rejim o’rnatilgan.

2. Avstriya, Belgiya, Buyuk Britaniya, Chexiya, Fransiya, Germaniya, Ispaniya, Italiya, Polsha, Latviya, Malayziya, Yaponiya, Shveysariya va Tailand fuqarolari uchun viza rasmiylashtirishning soddalashtirilgan tartibi qo’llaniladi.
Ushbu davlatlar turistlariga 1 oygacha bo’lgan muddatga va ishbilarmonlariga 1 yilgacha (Malaziya ishbilarmonlariga — 6 oygacha) bo’lgan muddatga ko’p martalik viza beriladi. Bunda ulardan turistik vaucher yoki O’zbekistondagi takllif qiluvchi yuridik va jismoniy shaxsning taklifnoma bilan O’zbekiston Respublikasi Tashqi ishlar vazirligiga murojaat qilishi talab etilmaydi. Viza 2 ish kuni ichida rasmiylashtiriladi (hujjatlar qabul qilingan kundan tashqari).

3. Korea Respublikasi (60 kungacha), Braziliya, Ruminiya, Slovakiya, Turkiya va Vengriyaning diplomatik pasportga ega bo’lgan fuqarolari uchun 90 kungacha bo’lgan muddatga vizasiz rejim o’rnatigan. Diplomatik pasportga ega bo’lgan va ushbu davlatlarning diplomatik vakolatxona yoki konsullik muassasalarining xodimi sifatida akkreditatsiyadan o’tgan fuqarolari hamda ularning oyla a’zolari vizasiz kirishlari va butun ish faoliyati davomida bo’lishlari mumkin. Bundan tashqari Ruminiya va Slovakiyaning xizmat pasportiga ega bo’lgan fuqarolari uchun ham 90 kungacha bo’lgan muddatga vizasiz rejim o’rnatilgan.

4. O’zbekiston va Yaponiya o’zaro kelishuv asosida vizalarni konsullik yig’imlari undirmasdan beradilar.

Download Visa Application Form